Dövlət Sərhəd Xidmətinin (DSX) Sərhəd Qoşunlarının xidməti vəzifələrini icra edərkən ildırım vurması nəticəsində həlak olan əsgəri Nağıyev Əli Elşən oğlu ilə Gəncə şəhərində vida mərasimi başlayıb.
“Qafqazinfo”nun məlumatına görə, mərasimdə rayonun və DSX-nin rəsmiləri, şəhidin ailə üzvləri, hərbçi yoldaşları, sakinlər iştirak edirlər.
***
Şəhidlə vida mərasimi başa çatıb. Onun nəşi dəfn olunmaq üçün Şəhidlər xiyabanına aparılır.
Qeyd edək ki, iyunun 9-da DSX-nin Sərhəd Qoşunlarının “Lənkəran” sərhəd dəstəsinin xidməti ərazisində mayor Baxışlı Baxış Elşən oğlu və əsgər Nağıyev Əli Elşən oğlu dövlət sərhədinin mühafizəsi üzrə xidməti vəzifələrini icra edərkən ildırım vurması nəticəsində vəfat ediblər.
Yunis Quliyev
