Azərbaycanı Avropa Liqasında təmsil edəcək “Zirə”nin bu turnirin 1-ci təsnifat mərhələsindəki rəqibi bu gün bəlli olacaq.
Arena.az xəbər verir ki, bu gün Avropa Liqasında 2024/2025 mövsümünün 1-ci təsnifat mərhələsinin püşkatma mərasimi keçiriləcək.
UEFA-nın İsveçrədəki Futbol Evində keçiriləcək tədbir Bakı vaxtı ilə saat 17:00-da başlayacaq.
Azərbaycanın vitse-çempionu “Zirə”nin də ilk rəqibi bəlli olacaq. Premyer Liqanın gümüş mükafatçısı püşkatmada səpələnməmişıər səbətində yer alacaq.
Rəşad Sadıqovun yetirmələrinin 6 mümkün rəqibi var. Bunlar “Şerif” (Moldova), “Maribor” (Sloveniya), “Tobol” (Qazaxıstan), “Visla” (Krakov, Polşa), “Pafos” (Kipr) və “Paksi”dir (Macarıstan). Bu mərhələnin ilk oyunları iyulun 11-də, cavab matçları 18-də keçiriləcək.
Qeyd edək ki, avrokubokların 2-ci təsnifat mərhələsinin püşkü sabah atılacaq. “Qarabağ”ın UEFA Çempionlar Liqasında, “Sabah”la “Sumqayıt”ın Konfrans Liqasındakı ilk rəqibləri, həmçinin “Zirə”nin növbəti raundda qarşılaşa biləcəyi komanda bəlli olacaq.
