"Aston Villa"nın yarımmüdafiəçisi Duqlas Luiz İtaliya çempionatına keçə bilər.
90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) məlumat verib.
O, yaxın vaxtlarda "Yuventus"un 26 yaşlı futbolçunun transferi ilə bağlı "Aston Villa"yla yenidən müzakirə etmək niyyətində olduğunu qeyd edib.
Daha əvvəl braziliyalı yarımmüdafiəçi ilə "Arsenal"ın maraqlandığı iddia olunurdu.
Ötən mövsüm İngiltərə çempionatında Luiz komanda yoldaşları üçün 35 oyun keçirib, 9 qol vurub və 5 məhsuldar ötürmə edib. Onun "Aston Villa" ilə müqaviləsi 30 iyun 2026-cı ilə qədərdir və transfer qiyməti 70 milyon avro olaraq qiymətləndirilir.
