Alimlər insanın bioloji yaşını azaltmağın yolunu kəşf ediblər.
Yeniavaz.com KP.RU istinadən xəbər verir ki, mütəxəssislər pəhriz, sağlam həyat tərzi və immunitet sisteminin normallaşdırılmasını əsas qaydalar hesab edirlər.
Akademik B.V. Petrovski adına Rusiya Elmi Cərrahiyyə Mərkəzinin elmi işlər üzrə direktor müavini, tibb elmləri namizədi İlya Eremin sözlərinə görə, qocalma stress, xroniki yuxu çatışmazlığı, düzgün olmayan qidalanma, səs-küyə məruz qalma və oturaq həyat tərzi ilə sürətlənir:
“Bu vəziyyətdə bədənə yalnız gida əlavələri ilə kömək etmək çətindir. İmmun sistemini normallaşdırmağa kömək edən elmi cəhətdən sübut edilmiş tövsiyələri var. Bura sağlam yuxu, fiziki fəaliyyət, müntəzəm düzgün qidalanma və xroniki -kəskin xəstəliklərin vaxtında müalicəsi daxildir”.
Almazov adına Milli Tibbi Araşdırmalar Mərkəzinin rəhbəri, Rusiya Səhiyyə Nazirliyinin baş kardioloqu, akademik Yevgeni Şlyaxto hesab edir ki, ürək və qan damarlarının sağlamlığına ən güclü zərbə oturaq həyat tərzi və artıq çəki vuruq:
“Kalori qəbulunu azaltmaq tövsiyə edilir, çünki bu, həyatınızı mütənasib şəkildə uzadacaq. Daha çox hərəkət edin, kifayət qədər yatın və psixoloji cəhətdən rahat bir mühit üçün səy göstərin”.
Oxşar fikri Rusiya Səhiyyə Nazirliyinin baş terapevti, Terapiya və Profilaktik Təbabət üzrə Milli Tibbi Tədqiqat Mərkəzinin direktoru, akademik Oksana Drapkina da bölüşür. Onun sözlərinə görə, bioloji yaşı azaltmağın ən inandırıcı şəkildə sübut edilmiş üsulu pəhriz məhdudiyyətidir. Onun fikrinci, 500-750 kilokalori normadan aşağı olan pəhriz orqanizmin cavanlaşmasına kömək edir.