Şərur rayonunda ağır yol-nəqliyyat hadisəsi baş verib, bir nəfər ölüb.
APA-nın Naxçıvan bürosu xəbər verir ki, hadisə rayonun Aşağı Daşarx ərazisində qeydə alınıb. İki avtomobil toqquşması nəticəsində Siyaqut kənd sakini, 1993-cü il təvəllüdlü Ələkbərov Rahib Mahir oğlu ölüb.
Avtomobildə olan digər sərnişin, 1993-cü il təvəllüdlü, Siyaqut kənd sakini Məmmədova Şəfəq Vaqif qızı xəsarət alıb. O, Naxçıvan Muxtar Respublika Xəstəxanasına yerləşdirilib.
Kəllə beyin travması alan Ş.Məmmədovun vəziyyəti ağır olaraq qiymətləndirilir.
Faktla bağlı araşdırma aparılır.
