Fransalı siyasətçi, Vətənpərvərlər Partiyasının lideri Florian Filippo ölkə partiyalarını yeni parlament seçkilərində vahid blokda birləşməyə çağırıb. O, X sosial şəbəkəsində yazıb ki, üçüncü dünya müharibəsindən qaçmaq üçün bunu etmək lazımdır.
Fins.az xəbər verir ki, “Fransa Prezidenti Emmanuel Makron Milli Assambleyanı buraxıldığını elan etdi, lakin səsverməni cəmi üç həftəyə təyin etməklə mahiyyəti ilə bağlı bütün müzakirələrə son qoymaq istəyir! Üçüncü dünya müharibəsi və Avropa İttifaqının dövlətə çevrilməsi fransızlar üçün əsl müzakirəyə layiq mövzulardır”, - deyə siyasətçi vurğulayıb.
Filipponun fikrincə, yeganə çıxış yolu seçkilərdə Makronun irəli sürdüyü qərarlara qarşı çıxacaq Suveren Blok yaratmaqdır.
Daha əvvəl Vətənpərvərlər Partiyasının lideri Makronun Ukrayna ərazisinə hərbi təlimatçı göndərməyə hazır olan ölkələrin koalisiyasının yaradılması ilə bağlı sözlərini tənqid edib. Siyasətçi əmindir ki, Avropa İttifaqı və NATO üçüncü dünya müharibəsinə doğru tələsir.
© xq
