Avropa Parlamenti seçkilərində 31,50 faiz səslə birinci olan ifrat sağçı Milli Birlik Partiyasının lideri Marin Le Pen prezident Makronun parlamenti buraxmaq və növbədənkənar seçkilər təyin etmək qərarını dəyərləndirib. Bütün qaçqınları ayrı-seçkilik etmədən evlərinə göndərəcəklərini ifadə edən Le Pen, "Fransız xalqının gücünə hazırıq, bizə etibar edin" deyib.
Turkustan.az xəbər verir ki, Fransa Avropa Parlamentinə (AP) seçkilərdə təəccüblü nəticələrin şahidi olub. Seçkilərdə lider olaraq ortaya çıxan ifrat sağçı Milli Birlik Partiyasının lideri Marin Le Pen mühacir əleyhinə mesajlar verib.
Marin Le Penin rəhbərlik etdiyi ifrat sağçı Milli Mitinq Partiyası (MN) səslərin 31,50 faizinə çatdığı halda, Fransa prezidenti Emmanuel Makronun Renessans Partiyası 15,2 faizlə ikinci partiya olub.
Bu nəticə Makronun parlamenti buraxmasına və növbədənkənar ümumi seçkilər təyin etməsinə səbəb olub. Nəticələri dəyərləndirən Le Pen heç kimə ayrı-seçkilik qoymadan bütün qaçqınları evlərinə göndərəcəklərinə söz verib.
Le Pen “Fransız xalqının gücünə hazırıq, bizə etibar edin” deyərək, partiyasının Fransanı ən yaxşı şəkildə təmsil etdiyini müdafiə etdi. Le Pen, bir partiya olaraq Fransa xalqının immiqrasiya, yaşayış dəyəri, güvənsizlik hissi kimi gündəlik problemlərini həll etməyi bacardıqlarını vurğulayaraq, “Xalq səs verəndə yenə xalq qalib gəlir” dedi.
Marin Le Penin fikrincə, sözügedən vəziyyət Fransadakı Milli Birlik hərəkatını “əsas alternativ siyasi qüvvə” kimi mövqeləndirir. Digər tərəfdən, RN senatoru Aymeric Durox, "İndi bizi dayandırmaq çox çətin olacaq. Biz indi hər yerdəyik" dedi. dedi. "Artıq bizim üçün qeyri-mümkün olan heç bir qala yoxdur." Durox, "Hər təbəqədən və hər peşədən seçicilərimiz var" deyə vurğulayıb.
Avropa seçki kampaniyasını idarə edən 28 yaşlı RN prezidenti Jordan Bardella, Fransa vətəndaşlarının dəyişiklik istəyi nümayiş etdirdiyini söylədi və əlavə etdi: "Bu gecə Fransada ümid küləyi əsdi və o, yeni başlayır. Emmanuel Makron indi zəifdir. O, artıq parlamentdə mütləq çoxluğa malik deyildi.
Eltac Zülfüqaroğlu/Turkustan.az
