“Atalar üçdən deyib” məsəli Koşitse üçün də keçərlidi?

Azərbaycan və Slovakiya yığmaları indiyə qədər AÇ və DÇ-lərin, eləcə də Millətlər Liqasının seçmə mərhələsi çərçivəsində dəfələrlə üz-üzə gəlib.

Bu komandalar arasındakı ilk qarşılaşma 1995-ci il martın 29-da məhz Koşitsedə keçirilib və meydan sahiblərinin 4:1 hesablı qələbəsi ilə bitib. 1998-ci il sentyabrın 5-də Koşitsedə keçirilən oyunda 3:0, 2001-ci il martın 28-də Trnavada keçirilən oyunda 3:1 hesabı qeydə alınıb. Komandalar növbəti dəfə AÇ-2020-nin seçmə mərhələsində üz-üzə gəlib. Yenə Trnava, yenə məğlubiyyət – 0:2. Bu rəqiblə səfərdəki uğursuz oyunlar seriyasında ML-in 2022/23 mövsümündə son qoymuşuq. Onda yığmamız səfərdə - Trnavada bu rəqibə 2:1 hesabıyla qalib gəlib, evdə 0:1 uduzub.

Beləliklə, Azərbaycan Koşitsedə Slovakiya ilə iki dəfə qarşılaşıb və hər dəfə ən azı 3 qol buraxıb. Ümid edirik ki, “atalar üçdən deyib” məsəli Slovakiyanın şərqində yerləşən 230 min adamlıq bu şəhər üçün də keçərli olacaq.

ORXAN