Ukraynanın əsl gücünü göstərdik.
"Far.Az" xəbər verir ki, bunu Ukrayna millisinin baş məşqçisi Sergey Rebrov Slovakiya ilə keçirilən AVRO-2024-ün qrup mərhələsinin II turunun oyunundan sonra mətbuat konfransında deyib.
50 yaşlı mütəxəssis qələbə qazandıqları üçün sevincli olduğunu söyləyib: "İlk oyunumuzda məğlub olmuşduq. Bu dəfə fərqli komanda kimi mübarizə apardıq. Ukraynanın əsl gücünü göstərdik. Artıq 3 xalımız var. Növbəti oyun barədə düşünürük, 1/8 finala yüksəlmək istəyirik".
Qeyd edək ki, Almaniyada təşkil olunan AVRO-2024-ün E qrupunun matçında Ukrayna Slovakiya yığmasına qalib gəlib - 2:1.
