İyunun 30-da başa çatan üç aylıq dövrü maliyyə təqvimində 3-cü rüb hesab edən qəhvəxana şəbəkəsi Starbucks, balans hesabatını açıqlayıb. Starbucks-ın qlobal satışları aprel-iyun dövründə 3 faiz azalıb.
Marja xəbər verir ki, Starbucks-ın ümumi xalis gəliri aprel-iyun dövründə 0,6 faiz azalaraq 9,11 milyard dollar olub. Şirkətin ümumi xalis gəliri ötən ilin eyni dövründə 9,16 milyard dollar təşkil etmişdi.
Bazar proqnozu bu dövrdə şirkətin xalis gəlirinin 9,24 milyard dollar olacağı idi.
Starbucks-ın keçən ilin aprel-iyun dövründə 99 sent olan səhmbaşına mənfəəti, bu ilin eyni dövründə 93 sentə enib.
Şirkətin Şimali Amerikadakı satışları 2 faiz, beynəlxalq satışları isə 7 faiz azalıb.
Starbucks, İsraili dəstəkləyən beynəlxalq şirkətlərə qarşı boykotdan mənfi təsir görüb
İsrailin Qəzzaya hücumları ilə əlaqədar olaraq etirazlar və boykot kampaniyaları ilə üzləşən şirkətlərdən biri də Starbucks-dır. Baykotlar şirkətin maliyyə nəticələrinə son iki rübdə mənfi təsir göstərib.
Qəhvəxana şəbəkəsi, baykotların Yaxın Şərqdəki şöbələrində satışlara mənfi təsir göstərdiyi üçün keçən ilin oktyabr-dekabr dövrü üçün illik satış proqnozunu aşağı salmışdır.
Yanvar-mart dövründə şirkətin gəlirləri 2 faiz azaldığı halda, qlobal satışları 4 faiz azalaraq 2020-ci ilin sonundan bəri ilk dəfə düşmüşdür.
