1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Kənd Təsərrüfatı Nazirliyi yanında Aqrar Tədqiqatlar Mərkəzinə (ATM) yeni direktor təyin olunub.
"Report"un əldə etdiyi məlumata görə, bu, Rəşad Hüseynovdur.
O, bundan əvvəl İqtisadi İslahatların Təhlili və Kommunikasiya Mərkəzinin icraçı direktorunun müavini olub və yeni vəzifəsində Firdovsi Fikrətzadəni əvəz edib. 2019-cu ildən ATM-ə rəhbərlik etmiş F.Fikrətzadə iyunun 10-da öz ərizəsi ilə işdən azad olunub.
R.Hüseynov Azərbaycan Dövlət Aqrar Universitetində ümumi iqtisadiyyat ixtisası üzrə bakalavr təhsili alıb, Almaniyanın "Weinhenstephan Triestdorf" Tətbiqi Elmlər Universitetində biznesin idarəedilməsi, Bonn Universitetində isə qida və resursların iqtisadiyyatı üzrə magistr dərəcəsi alıb, 2010-15-ci illərdə Bonnda doktorluq işini müdafiə edərək iqtisad üzrə fəlsəfə doktoru elmi adını alıb.
İngilis, alman və rus dillərini bilir. Ailəlidir, üç övladı var.
