Amerika Kubokunda qrup mərhələsinin 2-ci turunun Çili ilə oyunu Argentina yığmasının hücumçusu Lionel Messi üçün uğursuz olub.
Arena.az məlumat verir ki, Messi “albiseleste”nin 1:0 hesabı ilə qələbə qazandığı oyunda zədə alıb.
Oyundan dərhal sonra aparılmış müayinə ulduz futbolçunun ciddi zədə almadığını müəyyən edib. Amma pis sonluqdan sığortalanması üçün həkimlər veteran futbolçuya kiçik istirahət tövsiyə etsələr də, “Leo” yarışın 1/4 final mərhələsinin oyununda da meydana çıxmaq əzmindədir.
Bununla belə, tibbi heyət Messinin sağ ayağının ötürücü əzələsinin daha əvvəl zədələndiyini əsas gətirərək, ulduz futbolçunu bu oyunda iştirakdan daşınmağa səsləyiblər.
Xatırladaq ki, bir müddət əvvəl Messi müvafiq cüzi zədə almışdı, bu zədə xroniki yorğunluqdan qaynaqlanan qaçılmaz zədədir.
Lionel Messi 2023-cü ilin yayından “İnter Mayami”də çıxış edir. Argentinalı ulduz MLS təmsilçisinə PSJ-dən azad agent qismində qoşulub. “Leo”nun amerikan klubu ilə müddəti 2025-ci ilin dekabr ayının sonuna qədər qüvvədə olacaq müqaviləsi var.
Buna qədər Messi yalnız “Barselona” və PSJ-də çıxış edib.
Argentinalı ulduz cari mövsümdə “İnter Mayami”nin heyətində bütün yarışlarda 15 oyuna çıxıb, 14 qol vurub və 11 məhsuldar ötürmə verib. Təcrübəli futbolçunun “İnter Mayami” karyerası ümumilikdə 29 oyun, 25 qol və 16 məhsuldar ötürmədən ibarətdir.
“Leo” hazırda kapitanı olduğu Argentina yığmasında 2005-ci il avqustun 17-də debüt edib. 18 il ərzində ulduz hücumçu yığmada 184 oyun keçirib, 108 qol vurub və 58 məhsuldar ötürmə verib. Bu göstəricilər üzrə “Leo” yığmanın mütləq rekordçusudur.
Argentinalı superulduz Argentina yığması ilə Yay Olimpiya Oyunlarının (2008), Amerika Kubokunun (2021), FIFA Dünya Kubokunun (2022), Çempionların CONMEBOL-UEFA Kubokunun (2022) qalibi olub. Həmçinin Messi dünya çempionatının gümüş (2014), Amerika Kubokunun gümüş (2007, 2015, 2016) mükafatçısı olub.
Fərdi mükafatlara gəlincə, “Leo”nun qənimətlər muzeyində müxtəlif fərdi mükafatlar, o cümldən 8 ədəd “Qızıl top” mükafatı var.
“Transfermarkt” internet-portalı 36 yaşlı Lionel Messinin transfer dəyərini 30 milyon avro məbləğində qiymətləndirir.
