Albaniya millisinin baş məşqçisi Silvinyo İspaniya ilə keçirilən AVRO-2024-ün qrup mərhələsinin III turunun oyunundan sonra mətbuat konfransı keçirib. 0:1 hesablı məğlubiyyətdən sonra qrup sonunculuğu ilə barışan mütəxəssis komandasından narazı deyil.
Braziliyalı mütəxəssis AVRO-2024-ün oyunları boyunca onlara dəstək olan hər kəsə təşəkkürünü bildirib: “Bütün futbolçularıma göstərdikləri oyuna görə təşəkkür edirəm. İspaniya ilə oyun asan olmadı. Altı ay əvvəl çoxları dörd və ya beş qol buraxacağımızı düşünürdülər. Lakin bugünkü reallıq başqa cürdür. Bizim çox sayda yaxşı gənc futbolçularımız var. Hər biri Albaniya futbolu üçün gələcək vəd edir”.
