Hollivud aktyoru Ben Afflek müğənni Cennifer Lopezlə evliliyində problemlər yarandığı üçün spirtli içkilərə aludə olub.
Qaynarinfo xəbər verir ki, bu barədə "Daily Mail" məlumat yayıb.
Ben Afflekin dostları ondan narahat olduqlarını etiraf ediblər. Mənbələrdən birinin dediyinə görə, əvvəllər alkoqol asılılığı ilə mübarizə aparan aktyor yenidən spirtli içki qəbul etməyə başlayıb.
"İndi o, çox narahat bir insandır", deyə mənbə bildirib.
Eyni zamanda, başqa bir mənbə, əksinə, Ben Afflekin spirtə qayıtmadığını deyib. Bununla belə, onun yenidən içməyə başlama ehtimalı yüksəkdir.
May ayında Cennifer Lopes və Ben Afflekin münasibətlərində ciddi problemlər olduğuna dair şayiələr ortaya çıxıb. Bildirilib ki, aktyor malikanələrindən çıxıb kirayə evə köçüb. Eyni zamanda, qeyd edilib ki, onların ixtilafında sənətçinin heç bir günahı yoxdur. Daha sonra məlumat ortaya çıxıb ki, Ben Afflek Cennifer Lopesin iş qrafikindən razı deyil. İddialara görə, aktyor hətta həyat yoldaşının işçiləri ilə dalaşıb.
Ötən həftə jurnalistlər Cennifer Lopes və Ben Afflekin keçən il 60 milyon dollara aldıqları malikanələrini satmaq üçün rieltor tutduqlarını bildirib. İndi məşhurlar mülk üçün təxminən 65 milyon dollar almaq istəyirlər.
Aydın
