Cənubi Afrika Respublikasının idman, incəsənət və mədəniyyət naziri Zizi Kodva korrupsiya ittihamı ilə həbs olunaraq məhkəmə qarşısına çıxarıldıqdan sonra tutduğu vəzifədən istefa verib. SİA xəbər verir ki, bu barədə nazirliyin nümayəndəsi Lita Mpondvana bildirib.
Xatırladaq ki, Kodva iyunun 5-də səhər saatlarında həbs edilərək məhkəməyə aparılıb. O, “Enterprise Outsource Holdings” şirkətinə tenderlər vasitəsilə sifarişlər almağa kömək etdiyi üçün 1,7 milyon rand (90 min ABŞ dolları) məbləğində rüşvət almaqda ittiham olunur. Kadva özünü təqsirli bilmir.
Məhkəmə Kodvanın girov müqabilində azadlığa buraxılmasına və iyulun 23-də növbəti məhkəmə iclasına gəlməsinə qərar verib.
