Hədə-qorxu ilə tələb etmədə təqsirləndirilən Vüqar Musayevin barəsindəki hökmdən apellyasiya şikayəti verilib.
Pravda.az-ın əldə etdiyi məlumata görə, şikayət Şəki Apellyasiya Məhkəməsinin hakimi Elman İsayevin sədrliyi ilə araşdırılır.
Məhkəmənin növbəti iclası sentyabrın 10-na təyin edilib.
Xatırlatma: Şəki Ağır Cinayətlər Məhkəməsinin hökmü ilə o, 6 il müddətinə azadlıqdan məhrum edilib.
İttihama görə, Vüqar Musayev “Dünya Kriminalı” qəzetində şöbə müdiri qismində işlədiyi müddətdə Zaqatala və Şəki rayonları ərazisində bir neçə vəzifəli şəxsdən hədə-qorxu yolu ilə pul tələb edib. Onların sırasında Şəki Rayon Mərkəzi Xəstəxanasının baş həkiminin sabiq müavini Səxavət Cavadov, Şəki Şəhər Gigiyena və Epidemiologiya Mərkəzinin həkimi və Zaqataladakı sahibkarlar olub.
Qeyd: Vüqar Musayev barəsində daha əvvəl Zaqatala Rayon Prokurorluğunda Cinayət Məcəlləsinin bir neçə maddəsi ilə cinayət işi başlanılmışdı.
Kamal Məmmədov
