Çərşənbə axşamı günü “Nvidia” səhmləri 9.5% ucuzlaşaraq bazar dəyərinin ən böyük günlük enişini qeyd edib, çünki zəif iqtisadi hesabatdan sonra investorlar süni intellektlə bağlı nikbinliklərini azaldıblar. Banker.az bu barədə ProFinance saytına istinadən xəbər verir.
“Nvidia”nın bazar kapitallaşması 279 milyard dollar azalıb ki, bu da investorların yeni süni intellekt texnologiyalarına qarşı daha ehtiyatlı olmağa başladığının əsas əlamətidir.
Şirkətin idarə heyətinə dəyişikliklərin edəcəyini və çip istehsalı sahəsində kapital xərclərinin yenidən təşkili planını hazırladığını bildirməsindən sonra “Intel” səhmləri təxminən 9% ucuzlaşıb.
Süni intellektə böyük sərmayələrin özünü doğrultmaması ilə bağlı narahatlıqlar, iyul ayında rüblük hesabatlardan sonra ucuzlaşan “Microsoft” və “Alphabet” səhmləri də daxil olmaqla, son həftələrdə Uoll-Stritin ən dəyərli şirkətlərini sıxışdırıb.
İnvestorlar Federal Ehtiyatlar Sisteminin (FED) sentyabr ayında faiz dərəcələrini 25 baza bəndi azaldacağını gözləyirlər.
“Nvidia”nın bir seansda birjada rekord enişi 3 fevral 2022-ci ildə “Meta”nın kapitallaşmasının 232 milyard dollar dəyərindəki azalmasını ötüb. Keçən həftə “Nvidia”nın rüblük hesabatından sonra, şirkətin 2025-ci ilin yanvar ayına qədər proqnozları 68 milyard dollardan 70.35 milyard dollara yüksəlib.
Artan qazanc proqnozları və “Nvidia” səhmlərindəki azalma gözlənilən qazancın 34 qatında ticarət edilir, bu isə son iki ildə orta göstəriciyə bərabərdir.
