"Nissan"ın Şimali Amerika bölməsi yeni nəsil "Armada" təqdimatına hazırlaşır.
Modern.az xəbər verir ki, yeni məhsulun təqdimatı sentyabrın 3-də modelin qlobal versiyası olan, ön hissəsinin dizaynı ilə fərqlənəcək "Nissan Patrol" ilə eyni vaxtda baş tutacaq.
Yolsuzluq avtomobilinin "Rock Creek"in xüsusi versiyasında debüt edəcəyi güman edilir. Orijinal "Patrol" 1962-1969-cu illərdə ABŞ-da satılıb və model 2016-cı ildə "Armada" adı ilə bazara qayıdıb.
İlkin olaraq, yeni "Nissan Armada" "Infiniti QX80" əsasında qurulacaq və 450 at gücündən çox 3,5 litrlik turbomühərrikli V6 alacaq. 9 pilləli avtomatik transmissiya və tam ötürmə sistemi ilə birlikdə olacaq.
