İslandiyanın cənubunda Breidamerkurjokull buzlaqının çökməsi nəticəsində bir turist ölüb, iki turist isə yaralanıb.
"Cebheinfo.az" xəbər verir ki, müxtəlif millətlərdən olan təxminən 25 xarici turistin uğradığı qəzanın ardından bölgəyə polis və təcili yardım maşınları sövq edilib.
Xilasedicilər itkin düşən iki şəxsin axtarışına başlayıb. Polis təhlükəli şərait səbəbindən əməliyyatın hava qaraldıqdan sonra dayandırıldığını, lakin səhər saatlarında davam etdiriləcəyini bildirib.
İslandiya mediası iki helikopterin göndərildiyini, hadisə yerinə təcili yardım və polisin də cəlb edildiyini bildirib.
