- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Futbol üzrə Azərbaycan millisinin hücumçusu Renat Dadaşov Türkiyənin “Hatayspor” komandasında növbəti matçına çıxıb.
Arena.az xəbər verir ki, futbolçumuzun komandası bu gün Türkiyə Super Liqasının 32-ci turu çərçivəsində “İstanbulspor”la qarşılaşıb.
“Hatayspor” bu rəqiblə ev oyunundan məğlubiyyətlə ayrılıb – 0:3. Hataylılar ilk hissəsi qolsuz bitən matçın ikinci hissəsində rəqibin qarşısını almaqda çətinlik çəkiblər.
Dadaşov bu oyunun 69-cu dəqiqəsində, hesab 0:1 olarkən meydana buraxılıb. Cari mövsümdə 4 qol vurmuş hücumçu bu dəfə fərqlənə bilməyib.
Türkiyə yığmasının sabiq qapıçısı Volkan Dəmirəlin çalışdırdığı “Hatayspor” 32 turdan sonra 33 xalla 20 kollektiv arasında 16-cı pillədə qərarlaşıb. Komanda keçirdiyi 32 oyunda 7 qələbə qazanıb, 12 heç-heçə edib, 13 məğlubiyyətə üzülüb.
Xatırladaq ki, Renat Dadaşov müqavilə ilə 2022-ci ilin iyul ayından formasını geyindiyi İsveçrənin “Qrasshopper” klubuna məxsusdur. Türkiyə klubu onu bu mövsümün sonuna kimi satınalma şərti ilə icarəyə götürüb. Dadaşov Hatay təmsilçisində 27 oyun keçirib və 4 qol vurub.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.