Qaraçay-Çərkəz Müftiliyi respublikada niqabı QADAĞAN ETDİ

Qaraçay-Çərkəz (RF) Müftiliyi respublikada niqab taxmağı qadağan edib.

Bizim.Media xəbər verir ki, bu barədə Qaraçay-Çərkəz Respublikasının müftisi, Şimali Qafqaz Müsəlmanları üzrə Koordinasiya Mərkəzinin sədri İsmayıl Hacı Berdiyev bildirib.

“Qaraçay-Çərkəz Müsəlmanları Ruhani İdarəsi müəyyən edilmiş təhlükələr aradan qaldırılana və yeni teoloji nəticəyə qədər Rusiyada müasir şəraitdə niqab taxmağı qadağan edir”, - deyə Hacı Berdiyev qeyd edib.

Bir gün əvvəl Dağıstan Müftiliyinin fətva şöbəsi respublikada niqab taxmağın müvəqqəti qadağan edilməsi ilə bağlı qərar verib.

Bizim.Media

• Şimali Qafqaz
• qadağan
• Qaraçay-Çərkəz
• niqab
• Müftiliyi