Hakan Fidan bir sıra ölkənin XİN rəhbəri ilə görüşüb

Türkiyənin xarici işlər naziri Hakan Fidan Şimali Makedoniyanın paytaxtı Skopyedə keçirilən Cənub-Şərqi Avropa Ölkələri Dövlət və Hökumət Başçıları Zirvə toplantısında iştirak edib.
SİA-nın türk saytlarından əldə etdiyi məlumata görə, bu barədə Türkiyə Xarici İşlər Nazirliyinin rəsmi ''X'' internet səhifəsində edilən paylaşımda bildirilib.
Paylaşımda Hakan Fidanın Yunanıstan xarici işlər naziri Yorqos Yerapetritis, Şimali Makedoniyanın xarici işlər naziri Bujar Osmani və Serbiyanın xarici işlər naziri Marko Djurik ilə görüşdüyü qeyd olunub.