Qlobal temperaturun artmasına səbəb olan “El Nino” hava hadisəsinin sonaçatma əlamətləri göstərdiyi və ilin sonuna doğru planeti sərinləşdirəcək “La Nina” hava şəraitinə qayıdış ehtimalının olduğu bildirilib.
Dünya Meteorologiya Təşkilatı (WMO) “El Nino” ilə bağlı hesabat dərc edib.
2023-cü ildən təsirli olan və bütün dünyada qlobal temperaturun artmasına və ekstremal hava şəraitinə səbəb olan “El Nino” artıq sona çatma əlamətlərini göstərir.
2024-cü ilin iyul-sentyabr dövründə “La Nina”nın görünmə ehtimalı 60 faiz olaraq təxmin edilir.
Hesabatda son 9 ilin qeydiyyata düşən ən isti dövr olduğu və 2020-ci ildən 2023-cü ilin sonuna qədər “La Nina”nın soyutma təsrinin belə buna mane ola bilmədiyi qeyd olunub.
Ümumdünya Ticarət Təşkilatının Baş katibinin müavini Ko Barret sözügedən mövzu ilə bağlı deyib: “2023-cü ilin iyun ayından etibarən hər ay yeni temperatur rekordu qırılıb və 2023-cü il indiyə qədər qeydə alınan ən isti il sayılıb.
“El Nino” hadisəsinin sona çatması "uzun müddətli iqlim dəyişikliyində fasilə" olmadı, planet istixana qazları üzündən yenə istiləşəcək.
Növbəti aylarda dəniz səthinin qeyri-adi dərəcədə yüksək temperaturu əhəmiyyətli rol oynamağa davam edəcək.
Atmosferimizdəki əlavə istilik və rütubət səbəbindən hava şəraitimiz, təəssüf ki, daha çətin olmağı sürdürəcək.
"Hamı üçün ilkin xəbərdarlıqlar" Ümumdünya Mühafizə Təşkilatının əsas prioriteti olaraq qalır."
