Samir Nəsirov: Azərbaycana birbaşa xarici investisiyalar 7 mlrd. dollara yaxınlaşıb

2023-cü ildə Azərbaycanın neft-qaz və qeyri-neft-qaz sektorlarına ümumilikdə 6,7 milyard ABŞ dolları həcmində birbaşa xarici investisiya yatırılıb. Kapital repatriasiyası isə 6,9 mlrd. dollar təşkil edib.

“APA-Economics” xəbər verir ki, bunu Azərbaycan Mərkəzi Bankının Statistika departamentinin direktoru Samir Nəsirov brifinqdə deyib.

Onun sözlərinə görə, ölkəyə gələn birbaşa xarici investisiyalar üzrə birinci yeri Birləşmiş Krallıq (1,9 mlrd. ABŞ dolları), ikinci yeri Türkiyə (1,3 mlrd. ABŞ dolları), üçüncü yeri Kipr (792 milyon ABŞ dolları), dördüncü yeri Rusiya (617 milyon ABŞ dolları), beşinci yeri İran(396 mln. ABŞ dolları tutub.

"Azərbaycandan xaricə isə yatırılan birbaşa xarici investisiyalar cəmi 3,1 milyard ABŞ dolları olub. Ən çox birbaşa xarici investisiya Türkiyə (1,8 mlrd. dolları), ABŞ (311 milyon dolları) və Böyük Britaniyanın (157 milyon dolları) payına düşüb”- AMB rəsmisi qeyd edib.