Amerikalı iş adamı İlon Mask "Tesla" "Cybertruck" elektrik avtomobilini Çeçenistan rəhbəri Ramzan Kadırova verməsi ilə bağlı məlumatı təkzib edib.
Publika.az xəbər verir ki, bu barədə o, "X" sosial şəbəkəsində yazıb.
Avqustun 17-də Kadırov bu elektromobili Maskdan aldığını və artıq sınaqdan keçirdiyini açıqlayıb. O, həmçinin avtomobilin xüsusi hərbi əməliyyatda (SVO) iştirak edən əsgərlərə veriləcəyini bildirib və Maskı Qroznıya səfərə dəvət edib.
Sahibkar sosial şəbəkə istifadəçilərindən birinin "Musk elektrik pikapını ABŞ-ın düşməninə təhvil verib" şərhinə münasibət bildirib:
“Sən o qədər axmaqsan ki, mənim verdiyimi düşünürsən. Rus generalına Cybertruck? Bu, ənənəvi medianın necə yalan danışdığının başqa bir nümunəsidir".
