Növbədənkənar parlament seçkiləri ilə əlaqədar deputatlığa namizədliyi qeydə alınanların sayı açıqlanıb.
Yeniavaz.com APA-ya istinadən xəbər verir ki, bu barədə Mərkəzi Seçki Komissiyasının sədri Məzahir Pənahov bildirib.
Bildirilir ki, növbədənkənar parlament seçkiləri ilə əlaqədar 1052 nəfərin deputatlığa namizədliyi qeydə alınıb.
Qeyd edilir ki, növbədənkənar parlament seçkiləri ilə əlaqədar 1508 nəfərin deputatlığa namizədliyi irəli sürülüb. Deputatlığa namizədliyi irəli sürülən 1462 nəfərin namizədliyi təsdiqlənib, onlardan 1420 nəfərə imza vərəqi verilib, 1197 nəfər imza vərəqələrini qaytarıb.
Milli Məclisə növbədənkənar seçkilərlə əlaqədar qeydə alınmış namizədlərin 125 seçki dairəsi üzrə siyahısı Mərkəzi Seçki Komissiyasının saytında yerləşdirilib.
Milli Məclisə növbədənkənar seçkilər sentyabrın 1-nə təyin olunub.