1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İsrail hərbçiləri Qəzza zolağında Fələstinin radikal "İslami Cihad" hərəkatının liderlərindən biri olan Məhəmməd əl-Cəbarini zərərsizləşdirib.
Oxu.Az-ın TASS-a istinadən xəbərinə görə, bu barədə ordunun mətbuat xidmətindən məlumat verilib.
Məlumata görə, söhbət "İslami Cihad" rəhbərinin silah istehsalı məsələləri üzrə müavinindən gedir.
"Əl-Cəbari Qəzza zolağının şimalında "İslami Cihad"ın silah istehsalı infrastrukturunun maliyyələşdirilməsinə, maaşların və vəsaitlərin bölüşdürülməsinə cavabdeh idi və "İslami Cihad"ın raket istehsalı üçün güc və infrastrukturunun bərpası işlərində iştirak edirdi", - deyə məlumatda qeyd edilib.
"Əl-Cəbari əldə edilən kəşfiyyat məlumatları əsasında həyata keçirilən məqsədyönlü əməliyyat nəticəsində məhv edilib. Zərbədən əvvəl mülki insanlara zərərvurma riskinin azaldılması üçün çox sayda tədbir görülüb", - deyə İsrail ordusundan bildirilib.
