Moskva Bakı və İrəvan arasında danışıqlar üçün ən yaxşı platforma deyil.
Bunu Axar.az -a açıqlamasında məşhur gürcü politoloq Gela Vasadze Rusiya XİN sözçüsü Mariya Zaxarovanın Bakı ilə İrəvan arasında danışıqlar üçün Moskva platforması təklifi haqqında danışarkən deyib.
“Azərbaycan dəfələrlə yalnız ikitərəfli danışıqlara razı olduğunu bildirib. Rusiyanın simasında onlara vasitəçi lazımdırmı? Belə olan halda Ermənistanın razılaşmaması yaxşıdır. Bu, İrəvanın aydın hesablamasıdır. Düşünmürəm ki, Moskva danışıqları yaxşı bir şeyə gətirib çıxaracaq. Astana formatı var. Mən Azərbaycan niyə Qərbə getmək istəmədiyini bilirəm, ancaq Moskva platformasına razılaşmağınızı anlamıram”, – ekspert bildirib.
