İran Seçki Komissiyası prezident seçkiləri üçün səsvermə vaxtını üçüncü dəfə uzadıb.
Yeniavaz.com xəbər verir ki, bu barədə İran seçki komissiyasının nümayəndəsi Möhsün Eslami IRIB telekanalında deyib.
“Prezident seçkilərində səsvermə saat 00:00-a qədər uzadılıb”, - Eslami deyib.
Qeyd edək ki, səsvermə vaxtı iki dəfə, əvvəl yerli vaxtla saat 18:00-dan 20:00-a, sonra isə saat 22:00-a qədər uzadılıb. Üçüncü uzadılma, çox güman ki, sonuncu olacaq və bundan sonra səslərin hesablanması başlayacaq.

***22:49
İranın Seçki Qərargahı prezident seçkilərində səsvermə vaxtını yenidən uzadıb.
Yeniavaz.com xəbər verir ki, bu barədə İranın seçki komissiyasının nümayəndəsi Möhsün Eslami IRIB telekanalının efirində bildirib.
Bildirilir ki, indi vətəndaşlar yerli vaxtla saat 22:00-a qədər səs verə bilərlər.
Telekanalın məlumatına görə, günün istisi səngidikdən sonra seçki məntəqələrində səs vermək istəyənlərin böyük növbələri düzülüb.

***19:56
İranda prezident seçkiləri üçün seçki məntəqələrinin işi yerli vaxtla saat 18:00-dan 20:00-a uzadılıb.
Yeniavaz.com xəbər verir ki, bu barədə İslam Respublikasının Seçki Qərargahının nümayəndəsi Möhsün Eslami IRIB telekanalında məlumat verib.
“Səsvermə vaxtının uzadılması ilə bağlı ölkənin müxtəlif yerlərindən daxil olan çoxsaylı müraciətlər əsasında bütün ölkə üzrə səsvermə vaxtı 2 saat, yəni saat 20:00-a qədər uzadılıb”, - Eslami deyib.
Qeyd edək ki, İranda növbədənkənar prezident seçkiləri iyunun 28-də yerli vaxtla saat 08:00-da başlayıb. Seçkilər ölkə prezidenti İbrahim Rəisinin mayın 19-da vəfatı ilə əlaqədar keçirilir. Prezidentlik yarışında dörd siyasətçi var: mühafizəkarlar Məhəmməd Bağer Qalibaf, Səid Cəlili, Mostafa Pourmohammadi və islahatçı Məsud Pezeşkiyan.