Qəzzada can itkisi 37 min 765-ə yüksəlib

İsrail ordusunun 7 oktyabr 2023-cü il tarixindən etibarən Qəzza zolağına həyata keçirdiyi hücumlarda ölənlərin sayı son 24 saatda 47 nəfər artaraq 37 min 765-ə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Ordunun son 24 saat ərzində Qəzzanın müxtəlif bölgələrində 3 “qırğın” həyata keçirdiyi və bu hücumlarda daha 47 fələstinlinin həyatını itirdiyi, 52 nəfərin isə yaralandığı bildirilib. Bununla da yaralıların sayı isə 86 min 429-a yüksəlib.