Keniyada etirazçılar vergi artımı nəzərə alınmaqla büdcə layihəsinə səsvermənin keçirildiyi parlament binasına soxulublar..AFN.az TASS-a istinadən xəbər verir ki, şəhərin mərkəzində atışma və partlayış səsləri eşidilir. "Parlament binasından tüstü gəlir. Nümayişçilər binanı yandırıblar" - deyə vətəndaşlar bildiriblər.Səhər saatlarından insanlar şəhərin inzibati qurumlarının, o cümlədən polis tərəfindən mühasirəyə alınan parlamentin yerləşdiyi mərkəzə gələrək prezidentin istefası tələblərini səsləndirməyə başlayıblar. Yerli media polisin gözyaşardıcı qaz və rezin güllələrdən istifadə etdiyini bildirib. Bir neçə nəfərin ölümü ilə nəticələnən həqiqi döyüş sursatından istifadə edildiyi də bildirilir.Əlavə vergilərin tətbiqinə etirazlar iyunun 18-də başlayıb və bütün ölkəyə yayılıb. Böyük Kisumu, Nyeri, Nakuru, Eldoret, Kilifi və Mombasa şəhərlərində mitinqlər keçirilir. Etirazlar zamanı iki nəfər ölüb, ən azı 200 nəfər yaralanıb. Etirazçılar bu addımın iqtisadiyyata zərər verəcəyini və onsuz da dolanmaqda çətinlik çəkən keniyalıların yaşayış xərclərini artıracağını deyirlər.
