Dağıstan prezidenti: “Baş verən terror öncədən planlaşdırılıb”

“Dərbənd və Mahaçqalada törədilən terror aktları vaxtında və hədəflərə uyğun əlaqələndirilib”.

Bizim.Media xəbər verir ki, bu barədə Dağıstanın rəhbəri Sergey Melikov bildirib.

Melikov qeyd edib ki, quldurlar birbaşa hesablama aparıblar ki, eyni vaxtda dörd terror aktı həyata keçirsinlər: “Onlar bu hücumla hüquq-mühafizə və təhlükəsizlik qüvvələrində xaos yaratmaq, bundan istifadə edərək, məsuliyyətdən yayınmaq məqsədi güdüblər”.

Qeyd edək ki, Dağıstanda baş verən hücumlar nəticəsində ölənlərin sayı 20 nəfərə çatıb, 46 nəfər yaralanıb.

Bizim.Media