Polşa prezidenti Andjey Duda bu gün Çinə işgüzar səfər edəcək. Onun Çin prezidenti Si Cinpinlə görüşü nəzərdə tutulub.
"Operativ Media" bu barədə PAP-a istinadən xəbər verir.
Duda bildirib ki, o, Si Cinpinlə Ukraynada iqtisadi əlaqələr və sülh məsələlərini müzakirə edəcək. O, Ukraynada gələcək sülh üçün Çinin əhəmiyyətini etiraf edib.
Polşa prezidenti həmçinin qeyd edib ki, Ukrayna ərazisi Çin, Mərkəzi Asiya, Yaxın Şərq, Afrika və Avropa ölkələrini birləşdirən infrastruktur şəbəkəsinin inkişafından ibarət olan Çinin “Bir kəmər və yol” təşəbbüsü üçün böyük əhəmiyyət kəsb edir.
