Yəməndə İranın dəstəklədiyi husilər son 24 saat ərzində Qırmızı dəniz və Oman dənizində 3 gəmini ballistik raketlər və pilotsuz uçuş aparatları ilə vurduqlarını açıqlayıblar.
Sitat.info xəbər verir ki, Husilərin hərbi sözçüsü Yəhya Seri televiziyada yayımlanan çıxışında Qırmızı dəniz və Oman dənizində 3 hərbi əməliyyat keçirdiklərini bildirib.
Seri Husilərin Oman dənizində Verbena gəmisini ballistik raketlə vurduğunu və gəminin alovlandığını bildirib.
Qırmızı dənizdəki “SeaGuardian” və “Athena” gəmilərinin də birbaşa ballistik raketlər və PUA-larla vurulduğunu qeyd edən Seri, gəmilərə məxsus təşkilatlar haqqında məlumat verməyib.
Kənan Yusif
Sitat.info
