İsrailin baş naziri Benyamin Netanyahu müxalifət lideri Benni Qantzdan HƏMAS-ın 7 oktyabr hücumlarından dərhal sonra yaradılan fövqəladə hökumətdən çıxmaq qərarına yenidən baxmağı xahiş edib.
Publika.az xəbər verir ki, bu barədə "The Hill" məlumat yayıb.
“İsrail bir neçə cəbhədə ekzistensial müharibə aparır. Benni, indi kampaniyadan əl çəkməyin vaxtı deyil - indi qüvvələri birləşdirməyin vaxtıdır”, - Netanyahu çağırıb.
Qeyd olunur ki, Benny Gantz üç həftə əvvəl Netanyahunu Qəzza zolağında əməliyyat üçün dəqiq planın olmamasına görə tənqid edib. O, HƏMAS-ın saxladığı girovları azad etmək üçün yeni həll yolları olmasa, müharibə kabinetini tərk edəcəyinə söz verib.
Xatırladaq ki, iyunun 8-də İsrail Müdafiə Qüvvələri (IDF) Fələstinin Həmas qruplaşması tərəfindən əsir götürülən 4 girovu azad edib. Azad edilənlər arasında Rusiya vətəndaşı, 27 yaşlı Andrey Kozlov da var. 25 yaşlı qız və 21 və 40 yaşlı iki kişi də azad edilib.
