Almaniya silahları ilə Rusiyaya zərbə vurulması eskalasiya hesab olmayacaq, - Şolz

Almaniya kansleri Olaf Şolz hesab edir ki, Ukraynanın Rusiya ərazisindəki hərbi obyektlərə alman silahları ilə zərbə endirməsinə icazə verilməsi eskalasiyaya səbəb olmayacaq. Bizimyol.info xəbər verir ki, "DW"nin məlumatına görə, Şolz bu barədə "Antenne Bayern" radiostansiyasının efirində deyib. "ABŞ prezidentinin dediyi kimi, biz yalnız böyük bir şəhəri, məsələn, Xarkovu qorumaq qabiliyyətindən danışırıq", - deyə Almaniya kansleri bildirib. Onun sözlərinə görə, Kiyevə alman silahlarından istifadə hüququnun verilməsi qərarı Almaniyanın “dostları və müttəfiqləri” ilə əməkdaşlıqda diqqətlə düşünülüb. Eyni zamanda, Şolz bildirib ki, onu "səhv və vaxtsız qərarlar" qəbul etməyə inandırmaq üçün ona təzyiq göstərilməsinə heç vaxt icazə verməyəcək. Ukrayna mətbuatının verdiyi məlumata görə, ABŞ Ukrayna ordusuna ökənin təhdid edildiyi təqdirdə, Rusiya ərazisi üzərindəki hədəfləri məhv etmək üçün Amerika hava hücumundan müdafiə sistemlərindən istifadə etməyə icazə verib. Almaniya həmçinin Ukraynaya Rusiya ərazisindəki hərbi hədəflərə alman silahları ilə hücum etməyə icazə verib. İyunun 3-də Ukrayna Silahlı Qüvvələrinin "Axilles" zərbəsi pilotsuz uçuş sistemləri batalyonunun komandiri Yuri Fedorenko bildirib ki, Xarkov vilayətində ukraynalı müdafiəçilər Rusiya ərazisində düşmənə qarşı Qərb silahlarından istifadə etməyə başlayıblar. Qadir, Bizimyol.info