ABŞ hökumətinin iki rəsmisi ayrı-ayrı bəyanatlarda SEPAH-ı dünya üçün təhlükə adlandırıb və Əli Xameneyinin nəzarəti altında olan SEPAH-ın dünyada terror təşkilatı kimi tanınmasına dəstək verib.
NOCOMMENT.az xəbər verir ki, ABŞ-nin İran üzrə xüsusi nümayəndəsi Abram Peyli bununla bağlı “X” hesabında yazıb.
“Biz SEPAH-ı dünya səviyyəsində terror təşkilatı adlandırmaq səylərinə dəstək veririk. Amerika SEPAH-ı terror təşkilatı kimi tanıyır və onu dünya üçün təhlükə hesab edir”, – deyə paylaşımda qeyd olunub.
ABŞ Dövlət Departamentinin sözçüsünün müavini Vedant Patel isə keçirdiyi mətbuat konfransında SEPAH-ın İranda müxalifləri öldürməsinə toxunaraq deyib:
“İcazə verin, açıq deyim ki, SEPAH dünya üçün təhlükədir. Biz SEPAH-ın terror təşkilatı adlanmasını tam dəstəkləyirik”.
