Amerika rəsmiləri bildiriblər ki, ABŞ prezidenti Co Bayden ilk dəfə olaraq Ukraynaya ABŞ silahlarından Rusiya ərazisində, yalnız Xarkov cəbhəsində hərbi hədəflərə qarşı istifadə etməyə icazə verib.
İndex.az xəbər verir ki, silahlar rus qoşunlarına, artilleriyaya və döyüş təyyarələrinə qarşı istifadə oluna bilər.
Bir rəsmi BBC-yə deyib ki, onun komandasına Ukraynanın ABŞ silahlarından “qarşılıqlı atəş açmaq” və “onları vuran və ya vurmağa hazırlaşan Rusiya qüvvələrinə cavab vermək” üçün istifadə edə bilməsini təmin etmək tapşırılıb.
Rusiya qüvvələri son həftələrdə Ukraynanın ikinci böyük şəhəri olan Xarkov vilayətində Rusiya sərhədinə yaxın ərazilərdə qəfil hücumlar nəticəsində uğur əldə edib.
Cümə günü Ukrayna rəsmiləri Rusiyanın Xarkov ətrafındakı bir yaşayış məntəqəsini bombalaması nəticəsində 3 nəfərin öldüyünü və 16 nəfərin yaralandığını açıqlayıb.
