ABŞ ordusu Çin, Rusiya və İranın artan gücü fonunda potensial qlobal münaqişəyə hazır deyil ki, bu da ABŞ-ı yaxın illərdə həddindən artıq zəiflik vəziyyətində qoya bilər.
HİT.az xəbər verir ki, bu barədə "The New York Times" yazıb.
Müəllifin qeyd etdiyi kimi, Çin donanma həcminə görə ABŞ Hərbi Dəniz Qüvvələrini geridə qoyaraq tarixi hərbi modernləşdirmə həyata keçirib, Rusiya Ukraynada uzunmüddətli münaqişə üçün səfərbərlik edir, İran isə hücumları artıraraq İsrailə qarşı proksi müharibə aparır, ABŞ gəmilərinə hücumları artırır. Mətndə deyilir ki, bu cür hadisələr qlobal münaqişə ehtimalını yaradır.
"Artan ekspert rəyinə görə, bir neçə il ərzində özümüzü həddindən artıq zəiflik vəziyyətində tapa bilərik. Bizim hərbi hazırlığımız son onilliklərin ən aşağı səviyyəsində ola bilər, xüsusən də Çin ordusu təcil qazanır", deyə qeyd edilir.
NYT-nin yazdığı kimi, potensial müharibədən qaçmaq üçün Amerika ordusunu yenidən qurmağın vaxtı çoxdan keçib.
Bundan əvvəl "The Hill" qəzeti yazmışdı ki, ABŞ prezidenti Co Bayden qlobal ideoloji III Dünya müharibəsində uduzur, çünki Rusiya, Çin və İran bütün dünyada Vaşinqtonun maraqlarına fəal şəkildə hücum edir.
Samir
