“Kəndlər təslim olunsa, Azərbaycan daha əlverişli mövqedə olacaq” – Tatoyan

“Kəndləri təslim etməklə, biz Azərbaycan silahlı qüvvələrini kəndlərimizə yaxınlaşdırırıq, sakinlərin təsərrüfat fəaliyyəti ilə məşğul olmaq imkanlarını təhlükə altına qoyuruq, onların həyat və sağlamlığını təhlükəyə atırıq”.

KONKRET.az xəbər verir ki, bunu Ermənistanın keçmiş Ombudsmanı Arman Tatoyan deyib.

O, Tavuşun Ermənistan üçün strateji əhəmiyyətinə toxunaraq bildirib ki, 4 yaşayış məntəqəsi təslim olarsa, təkcə ayrı-ayrı sakinlər üçün deyil, həm də strateji baxımdan təhlükəsizlik problemləri olacaq.

“Strateji obyektlər ya Azərbaycanın nəzarətinə keçəcək, ya da hədəfə alınacaq. Söhbət ilk növbədə Gürcüstanı Ermənistanla birləşdirən dövlətlərarası yoldan gedir ki, bu marşrutun müəyyən hissələri sadəcə olaraq yararsız hala düşəcək. Əlbəttə ki, istifadə edilə bilən sahələr var, lakin onlar böyük nəqliyyat vasitələri üçün nəzərdə tutulmayıb”, – deyə Tatoyan bildirib.

Onun sözlərinə görə, kəndlər təslim olunarsa, Azərbaycan Ermənistana münasibətdə daha əlverişli mövqedə olacaq.

Günel Mikayılova,

KONKRET.az