Köçəryan: Biz artıq başa düşməliyik ki, sülh prosesi nədir...

Söhbət yeni ərazilərin verilməsindən getmir. Biz artıq başa düşməliyik ki, sülh prosesi nədir və onu hansı yol xəritəsi müşayiət edir...Poliqon xəbər verir ki, bunu Ermənistan parlamentinin Müdafiə və Təhlükəsizlik Komissiyasının rəhbəri Andranik Köçəryan bildirib.Köçəryan qeyd edib ki, sonda sülhə nail olmaq üçün pozulmayan xətt çəkilməlidir və bu, dövlət sərhədidir.“Halbuki, müxalifət bu xəritə olmayanda bu xətti necə çəkdiklərindən danışır. Cavab olaraq deyirik ki, əvvəlcə bu xəritəni tapıb onun üzərində danışıqlar aparmalı, xəritəni tapdıqdan sonra dağların, çayların, düzənlərin və s. yerləşdiyi sərhədi müqayisə etməliyik”, deyə ermıni siyasətçi vurğrulayıb.Köçəryanın sözlərinə görə bundan sonra növbəti mərhələ gəlir və bu mrhələdə müddəaları olan bir struktur olmalıdır. Yəni silahlı qüvvələr adekvat qaydada geri çəkiliməli və həmin ərazidə sərhəd qoşunları yerləşdirilməlidir.“Ancaq bu 30 il ərzində gözlərimiz gördüklərimizin hamısının bizim olduğunu iddia edərsək və əslində isə qanuni olaraq bizim olmadığı bir şəraitdə bütün bunlar necə reallığa çevriləcək? Onların olan onların olmalıdır, bizimki bizim olmalıdır. Ən aktual məsələ bizi və onları bir-birindən ayıran məsələdir və o ayırıcı xəttin adı milli sərhəddir. Hazırda dövlət sərhədi problemi həll olunur və hamını bu sərhəd narahat edir. Ancaq indi hamı deməyə başlayıb ki, yox, ən yaxşısı virtual olaraq bütün dünya bizimdir”, deyə erməni parlamentar bildirib.Poliqon.info