Kuleba: ölkə NATO üzvlüyünə layiqdir

Ukrayna NATO-ya üzvlük qazanıb və Kiyev bu bloka mümkün qədər tez qoşulmağa ümid edir.

Bunu Ukrayna-NATO Şurasının xarici işlər nazirləri səviyyəsində keçirilən iclasından sonra Ukrayna Xarici İşlər Nazirliyinin rəhbəri Dmitri Kuleba deyib.

“Təbii ki, mən Ukraynanın NATO-ya daxil olması ilə bağlı Vaşinqtonda keçiriləcək sammitlə bağlı müzakirələrə qulaq asdım. Bu gün atılan addımlar müzakirə olunub. Təbii ki, Ukrayna NATO üzvlüyünə layiqdir. Ümid edirəm ki, bu, tezliklə baş verəcək. Problemlərimizi həll etmək üçün çalışan ABŞ Prezidenti Co Bayden administrasiyasına da təşəkkür etmək istərdim”, - deyə Kuleba qeyd edib.