Futbol üzrə Azərbaycan Premyer Liqasında V tura start verilib.
"Operativ Məlumat Mərkəzi-OMM" xəbər verir ki, günün ilk matçı Tovuz şəhər stadionunda keçirilib.
Doğma meydanda "Səbail"i qəbul edən "Turan Tovuz" qələbə qazanıb - 1:0.
Qarşılaşmada yeganə qolu 33-cü dəqiqədə Alexandro Serrano vurub.
Bu qalibiyyət sayəsində qərb təmsilçisi xallarının sayını 13-ə çatdıraraq turnir cədvəlindəki liderliyini möhkəmləndirib.
Günün növbəti matçında isə "Sumqayıt" "Araz-Naxçıvan"ın müqavimətini qırmağa çalışacaq. Bu görüşün start fiti saat 20:00-da səslənəcək. "Gənclik şəhəri" təmsilçisi 6 xalla 5-ci, qonaqlar 4 xalla 8-cidir.
