Almaniya Ukraynaya həm öz büdcəsindən, həm də G7 tərəfdaşları ilə birlikdə hərbi dəstək verməyə davam edəcək.Missiy.Az “Ukrinform”a istinadən xəbər verir ki, bunu Almaniya kansleri Olaf Şolts Berlində Böyük Britaniyanın baş naziri Key Starmerlə danışıqlardan sonra birgə mətbuat konfransında deyib.“Gələn ilin büdcə layihəsində Ukraynaya ikitərəfli hərbi dəstək üçün 4 milyard avro nəzərdə tutulub. Bundan əlavə, G7 ölkələri ilə birlikdə Ukraynaya 50 milyard dollar kredit verəcəyik”, - deyə Almaniya hökumətinin başçısı əlavə edib.O xatırladıb ki, bu Rusiya mərkəzi bankının dondurulmuş aktivlərindən əldə edilən mənfəət hesabına ödəniləcək.Leyla SƏMƏNDƏRMissiya.Az
