“Telegram”ın təsisçisi Pavel Durov 12 cinayətdə ittiham edilib və adı açıqlanmayan şəxsə qarşı çoxsaylı kibercinayətlərdə şübhələrlə bağlı aparılan istintaq çərçivəsində dindirilir.
Publika.az xəbər verir ki, bu barədə Paris prokurorluğu məlumat yayıb.
Paris nəzarət agentliyinin mətbuat xidmətindən “RİA Novosti”yə verilən məlumata görə, Durovun saxlanma müddəti maksimum 28 avqusta qədər uzadıla bilər, çünki 96 saatdan çox saxlanıla bilməz. Şənbə günü axşam Fransa mediası Durovun Le Burje hava limanında saxlanıldığını bildirib.
Fransa mətbuatının yazdığına görə, Fransa vətəndaşlığı olan Durov ölkədə axtarışda olanlar siyahısında olub.
