“Vətən Müharibəsində qazandığımız şanlı qələbə bütün dünyaya sübut etdi ki, Azərbaycan təkbaşına ədaləti bərpa etmək qabiliyyətindədir. Həmin tarixi qələbənin nəticəsidir ki, bu gün bütöv və suveren Azərbaycanda parlament seçkilərinə hazırlıq gedir”.
Bunu “Seçki 2024” Müstəqil Media Mərkəzinə açıqlamasında “EVO İdman Klubu” İctimai Birliyinin sədri Elnur Camalxanov bildirib.
“Bu seçkilər əsrlər boyu tarix yazan Azərbaycan xalqının yaddaşlardan silinməz bir tarixinə çevriləcək. 30 ilə yaxın müddətdə nəzarətimizdə olmayan ərazilərimizdə bu gün qürurlu bir seçkilərə hazırlıq prosesinin şahidiyik. Bizim üçün sevindirici haldır ki, ictimai birliyimiz işğaldan azad edilmiş ərazilərdə də idmanın təbliği ilə məşğul olacaq. İdman ictimaiyyətini seçkilərdə fəal olmağa çağırıram. Hər kəsi ölkəmizin gələcəyi və firavanlığı naminə bu tarixi seçkilərdə fəal iştiraka, bütün gənclərimizi bu qürurlu anı qeyd etməyə dəvət edirəm”.
