Rusiyanın Belqorod şəhərində hündürmərtəbəli binanın uçması nəticəsində ölənlərin sayı 12 nəfərə çatıb.
APA xəbər verir ki, bu barədə Rusiya Fövqəladə Hallar Nazirliyinin mətbuat xidməti məlumat yayıb.
Xatırladaq ki, Ukrayna Ordusu Rusiyanın Belqorod şəhərinə raket zərbəsi endirib.
***
23:21
Belqorodda binanın uçması nəticəsində ikisi uşaq olmaqla daha üç nəfərin cəsədi dağıntılar altından çıxarılıb.
APA "TASS"a istinadən xəbər verir ki, bu barədə Rusiya FHN məlumat yayıb.
Bununla da dağıntılar altından ümumilikdə 11 cəsəd çıxarılıb.
***
20:58
Ukrayna Ordusunun Rusiyanın Belqorod şəhərində raket zərbəsi endirdiyi binanın dağıntıları altından doqquzuncu cəsəd çıxarılıb.
APA xəbər verir ki, bu barədə "RIA Novosti" məlumat yayıb.
***
20:32
Ukrayna Ordusunun Rusiyanın Belqorod şəhərində raket zərbəsi endirdiyi binanın dağıntıları altından daha 1 nəfərin meyiti çıxarılıb.
APA-nın Rusiya bürosu xəbər verir ki, bu barədə Rusiya Fövqəladə Hallar Nazirliyi məlumat yayıb.
Bununla da ölənlərin sayı 7 nəfərə çatıb.
***
19:53
Ukrayna Ordusunun Rusiyanın Belqorod şəhərində raket zərbəsi endirdiyi binanın dağıntıları altından indiyə qədər 6 nəfərin meyiti çıxarılıb.
APA-nın xəbərinə görə, bu barədə Rusiya Fövqəladə Hallar Nazirliyi məlumat yayıb.
***
saat 19.27
Ukrayna Ordusunun Rusiyanın Belqorod şəhərində raket zərbəsi endirdiyi binanın dağıntıları altından daha 1 nəfərin meyiti çıxarılıb.
APA-nın xəbərinə görə, bu barədə Rusiya Fövqəladə Hallar Nazirliyi məlumat yayıb.
Bununla da ölənlərin sayı 5 nəfərə çatıb.
***
saat 19.17
Ukrayna Ordusunun Rusiyanın Belqorod şəhərində raket zərbəsi endirdiyi binanın dağıntıları altından 4 nəfərin meyiti çıxarılıb.
APA-nın xəbərinə görə, bu barədə Rusiya Fövqəladə Hallar Nazirliyi məlumat yayıb.
***
saat 18.45
Ukrayna Ordusunun Rusiyanın Belqorod şəhərində raket zərbəsi endirdiyi binanın dağıntıları altından 2 nəfərin meyiti çıxarılıb.
APA-nın xəbərinə görə, bunu Belqorod vilayətinin qubernatoru Vyaçeslav Qladkov bildirib.
Vyaçeslav Qladkov dağıntılar altında hələ də qalanların olduğunun ehtimal edildiyini bildirib.
***
saat 13.39
Ukrayna Ordusunun Rusiyanın Belqorod şəhərində onmərtəbəli binaya endirdiyi raket zərbəsi nəticəsində yaralananların sayı artıb.
APA-nın xəbərinə görə, bu barədə “Mash” “Telegram” kanalı məlumat yayıb.
Şors küçəsində raket zərbəsinə məruz qalan onmərtəbəli binanın bir girişinin tamamilə çökməsi nəticəsində 30 nəfər yaralanıb.
TASS isə zədələnmiş yaşayış binasının damının bir hissəsinin xilasedicilərin üzərinə uçduğu barədə xəbər yayıb. Qeyd olunub ki, indiyə qədər dağıntılar altından 12 nəfər xilas edilib.
***
saat 13.00
Ukrayna Ordusu Rusiyanın Belqorod şəhərinə zərbə endirib.
APA-nın TASS-a istinadən verdiyi xəbərə görə, Şors küçəsində raket zərbəsinə məruz qalan onmərtəbəli binanın bir girişi tamamilə çöküb.
İlkin məlumata görə, 4 nəfər ölüb, 21 nəfər yaralanıb.
Dağıntılar altında qalanların olduğu istisna edilmir.
“112” Telegram kanalı dağıntılar altında 20 nəfərin qaldığının ehtimal olunduğunu yazıb.