Apple, 2024-cü maliyyə ilinin ikinci rübü hesab etdiyi 30 Martda bitən 3 aylıq dövr üçün balans hesabatını açıqlayıb.
buna görə şirkətin gəliri sözügedən dövrdə illik 4 % azalaraq 90,8 milyard dollar olub. Ötən ilin eyni dövründə şirkət 94,8 milyard dollar gəlir əldə edib.
Bazarın gözləntiləri Apple-ın sözügedən dövrdə gəlirinin 90,01 milyard dollar olacağı olub.
Eyni dövrdə Apple-ın xalis mənfəəti 2 % azalaraq 23,6 milyard dollar olub. Şirkətin xalis mənfəəti 2023-cü ilin eyni dövründə 24,2 milyard dollar olub.
Şirkətin səhm üzrə mənfəəti qeyd olunan dövrdə 1,52 dollardan 1,53 dollara yüksəlib.
"Apple" həmçinin 110 milyard dollarlıq səhmləri geri alacağını açıqlayıb. Sözügedən məbləğ şirkətin tarixində ən böyük səhm geri alış məbləği olub.
iPHONE SATIŞLARI 10 % AZALIB
Bu dövrdə Apple-ın smartfon və planşet satışları azalarkən, kompüter satışları artıb.
30 Martda sona çatan 3 aylıq dövrdə iPhone satışlarının məbləği keçən ilin eyni dövrünə görə 10,5% azalaraq 45,9 milyard dollara geriləyib.
Eyni dövrdə iPad satışlarının məbləği 16,7 % azalaraq 5,56 milyard dollar, Mac satışlarının məbləği isə 3,9 % artaraq 7,5 milyard dollar olub.
Günel Məlikzadə
