Şimali Koreyada İLK DƏFƏ - Nüvə əks-zərbəsi tətbiq edildi

Şimali Koreya 600 mm-lik çoxsaylı buraxılış raket sistemlərindən istifadə edərək nüvə əks-hücumunu həyata keçirmək üçün taktiki təlimlər keçirib.

Musavat.com xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.

Qeyd olunub ki, manevrlərə ölkə lideri Kim Çen In rəhbərlik edib.

Bildirilib ki, təlimlərdə nüvə silahı üzərində “Nüvə silahının tətiyi” inteqrasiya olunmuş nəzarət sistemindən istifadə olunub.

Bundan əlavə, ölkənin silahlı qüvvələri imitasiya nüvə başlığı olan mərmilərdən istifadə edərək, simulyasiya edilmiş nüvə əks-hücumunu birbaşa həyata keçirib.

352 kilometr məsafədə adada yerləşən hədəfin uğurla vurulduğu qeyd edilib.

Xatırladaq ki, Şimali Koreya aprelin 2-də “Hwasong-16” adlı yeni orta mənzilli ballistik raketi uğurla buraxıb.

Musavat.com