Muğlanın Marmaris rayonunda “Eagle’s” taxta tur gəmisində baş verən yanğında 14 nəfər xəsarət alıb.Qayıqda olanlar təşviş içində dənizə atılıblar. Gəmidən 102 nəfər təxliyə edilib.
Qeyd olunub ki, hadisə baş verən zaman gəminin göyərtəsində ümumilikdə 37 nəfər olub. Keçi adasına bir günlük tura çıxan gəmidə naməlum səbəblərdən yanğın baş verib.
Yanğın sürətlə bütün gəmiyə yayılıb, 34 sərnişin və 3 ekipaj üzvü dənizə atılıb. Onlar yaxınlıqdakı şəxsi yaxtalar və sahil mühafizə gəmiləri tərəfindən xilas edilib.
Yanğın söndürüldükdən sonra gəmi batıb, prokurorluq araşdırma aparır.
